ჯეფ ფოსტერი:,,ისინი გიცნობენ არა შენ, არამედ საკუთარ ილუზიას შენ შესახებ”

0
1388

“რა არის ჭეშმარიტი მედიტაცია? იყავით გამოღვიძებული და ცოცხალი. იცხოვრეთ იმ ერთი ცხოვრებით, რომელიც ამ სამყაროში მოგეცათ “- ჯეფ ფოსტერი

ჯეფ ფოსტერი – ასტროფიზიკოსი, მასწავლებელი, ავტორი 100 მდე წიგნის, რომელიც 14 ენაზეა ნათარგმნი. დაამთავრა კემბრიჯის უნივერსიტეტი.  მეოცე საუკუნის შუა პერიოდში, იგი დეპრესიამ მოიცვა, ავადმყოფობდა დიდი ხანი, რის შემდეგაც სულიერი განმანათლებლობის იდეა მის მოწოდებად იქცა. ყველაფრის მიმართ ჩაძიება, არაჩვეულებრივი ბუნების მკაფიო აღიარებით  რიგგარეშე აღმოჩენად იქცა. ამ ხილვის სიწმინდეში ცხოვრება გახდა ის, რაც ყოველთვის იყო:გულღია, მოსიყვარულე და სპონტანური. ჯეფმა ღრმად გაანალიზა და გაიგო, რომ ადამიანის ტანჯვას ილუზია (ამჟამინდელი მომენტის აცდენა) და უსიყვარულობა განაპირობებს. 

ჯეფის სწავლება მარტივია. ის ეხმარება ხალხს, სტრესთან და თანამედროვე ცხოვრების გამოწვევებთან გამკლავებაში, ყველა აზრისა და გადაწყვეტილების მიღმა გვერდიდან შეხედონ საკუთარ თავს. მისი სტილი პირდაპირი და უკომპრომისოა, სავსეა იუმორით და თანაგრძნობით. მას მიაჩნია, რომ თავისუფლება ყველასთან შეიძლება დაიბადოს, რომ ის არ არის ტრადიცია და მისი სწავლება ყველასათვის არის ხელმისაწვდომი.

,,როდესაც გეჩხუბებიან,

გამცირებენ,

გაძლევენ რჩევებს, რომლის მოცემაც არ გითხოვიათ,

როდესაც ვიღაც შენ გადანაშაულებს საკუთარ ტკივილში,

როდესაც არ გისმენენ,

გაუთავებლად საუბრობენ საკუთარ თავზე,

გადარებენ სხვა ადამიანებს,

არ ითვალისწინებენ, აბუჩად იგდებენ, ან განიკითხავენ შენს ფიქრებს, გრძნობებს…

გაჩერდი!

ღრმად ჩაისუნთქე.

გააცნობიერე, რომ ეს მათი ტკივილია და არა შენი.

იცოდე, რომ ისინი მხოლოდ იმ ერთადერთ სიზმარს ხედავენ, რომლის დანახვაც შეუძლიათ, ვიდრე არ გაიღვიძებენ,

რომ ისინი გიცნობენ არა შენ, არამედ საკუთარ ილუზიას შენ შესახებ.

შესაძლოა საკუთარი თავის შეყვარება უჭირთ.

შესაძლოა საკუთარი ფასეულობების დამამტკიცებელ საბუთებს გარეთ ეძებენ.

შესაძლოა გაუცხოებულნი არიან საკუთარი სუნთქვისგან, სხეულისგან, ძვირფასი სიცოცხლისუნარიანობისა და ჭეშმარიტი მოწოდებისგან.

შესაძლოა დუალისტურ სამყაროში ცხოვრობენ, სადაც ყველაფერი დაყოფილია კარგად და ცუდად, სწორად და არასწორად, წარმატებად და წარუმატებლობად…

შესაძლოა დაივიწყეს უბრალოდ ყოფნის სიხარული.

შესაძლოა შენ ხვდები ამას.

შესაძლოა შენ უკვე იყავი იქ, სადაც ისინი ახლა არიან.

არ ეცადო მათ შეცვლას. მათ არ შეუძლიათ შეიცვალონ.

ნუ შეეცდები მათ გამოსწორებას! მათ არ უთხოვიათ გამოსწორება!

რაც უფრო ძლიერად დააწვები, მით უფრო ძლიერად გკრავენ ხელს.

ნუ გაიხლართები მათი მწუხარების ქსელში.

იყავი გულწრფელი, თანამგრძნობიც კი, ზეწოლის ყოველგვარი მცდელობის გარეშე.

ნორმალურია, რომ შფოთავენ.

მიეცი უფლება, რომ იშფოთონ.

ნორმალურია, რომ შენით იმედგაცრუებულნი არიან.

მიეცი უფლება იყვნენ შენით იმედგაცრუებულნი.

ნორმალურია, რომ განგიკითხავენ.

დაე, ჰქონდეთ სრული თავისუფლება ამაშიც!

გათავისუფლდი შენ და გამოხატე შენი საკუთარი ფიქრები, გრძნობები..

მიეცი საკუთარ თავს უფლება – ბრაზობდე, გწყინდეს, ეჭვი გეპარებოდეს, გრძნობდე სევდას, გრძნობდე თავს დამნაშავედ.

დაე, ამ ძვირფასმა ენერგიამ თავისუფლად გაიაროს შენში.

ისინი ვერ დაგძირავენ, როდესაც თავისუფალი მდინარების საშუალებას მისცემ.

ამ მოგზაურობაში ბევრ კარიბჭის მცველს შეხვდები.

ასე თუ ისე, მაინც განაგრძე შენი გზა და სხვებსაც მიეცი უფლება იარონ თავისი გზებით.

ნურავის უხსნი და ნუ იცავ საკუთარ გზას.

იყავი შენი თავი, რა რთულიც არ უნდა იყოს ეს ამ დროში.

ნუ ებრძვი სიბნელეს – ის არავითარ ძალაუფლებას არ ფლობს! უბრალოდ აენთე!” 

დატოვეთ კომენტარი, თქვნი აზრი მნიშვნელოვანია!

თქვენი გამოხმაურება
შეიყვანეთ თქვენი სახელი