იაგო კაჭკაჭიშვილის #მესიჯი

0
262

მოუსმინეთ საზოგადოებას, მოუსმინეთ სამიზნე ჯგუფებს და შეეცადეთ უპასუხოთ მათ ინტერსებს – იაგო კაჭკაჭიშვილის #მესიჯი

ჩვენ არ შეგვიძლია საკუთარ თავს შევხედოთ სხვათა პოზიციიდან. ჩვენი ყველაზე დიდი ნაკლი არის ის, რომ ჩვენ ვართ ეგოისტები. ჩვენ საკუთარ თავს ვუყურებთ მხოლოდ საკუთარი თავის გადმოსახედიდან და არ გვინდა შევხედოთ სხვათა გადასახედიდან. როგორც კი საკუთარ თავს შეხედავ სხვა ჯგუფების, სხვა ადამიანების ჯგუფის თვალით, იმ მომენტიდან შენ ხდები უფრო ადაპტური საზოგადოებაში, ითვალისწინებ სხვათა პოზიციებს და უფრო მეტად ხდები მოთანამშრომლე, უფრო მეტი სოლიდარობა არსებობს საზოგადოებაში, რაც დღეს გვაკლია ყველაზე მეტად.

ჩვენ რაღაცნაირად ვფიქრობთ მხოლოდ საკუთარ თავზე, საკუთარი თავისავე პოზიციიდან. არსებობს ორი პერსპექტივა: როდესაც მე შემიძლია ჩემს საკუთარ თავს შევხედო ჩემი საკუთარი თავისავე პოზიციიდან და შევხედო სხვათა თვალითაც. როცა ჩემ თავს სხვათა თვალით არ ვუყურებ, მაშინ ვარ ეგოისტი და ამ ეგოიზმის დაძლევაა, ჩემი აზრით, ყველაზე დიდი გამოწვევა, რაც ქართულ საზოგადოებას დღეს კი არა და, კაი ხანია გააჩნია.

ჩვენ უნდა შეგვეძლოს თანამშრომლობა, ჩვენ უნდა შეგვეძლოს იმის აღიარება, რომ ჩვენგან განსხავებული რაც არსებობს, ლეგიტიმურია, არ უნდა მოხდეს ჩვენი წარმოდგენების, ჩვენი ცხოვრების წესის, ჩვენი ქცევითი მოდელების გააბსოლუტურება  და სანიმუშო მოდელებად დასახვა. უნდა შეგვეძლოს იმის აღიარება, რომ ის, რაც ჩვენ არ გვაქვს, რაც ჩვენგან განსხვავებულია, ასევე ლეგიტიმურია. ამის აღიარება გვიჭირს ყველაზე მეტად.

 

დატოვეთ კომენტარი, თქვნი აზრი მნიშვნელოვანია!

თქვენი გამოხმაურება
შეიყვანეთ თქვენი სახელი